Bodoland siam ngiattu pawl hrang hrangten nawrh chhunzawm tum

0
293
views

Assam s^t thlaa state thar, Bodoland siam ngiattu pawl hrang hrang- All Bodo Students’ Union, National Democratic Front of Bodoland leh Peoples’ Joint Action Committee for Bodoland chuan sorkar laipui leh state sorkarin an thil phut an tihhlawhtlin loh chuan thla leh a\anga nawrh chhunzawm leh an tum thu an sawi. ABSU President, Promod Boro-a sawi danin, thla leh ni 10-ah state chhunga rel kawng engemaw zat an dang chat ang a, November thla tir a\angin Bodo-te awmna bial, Bodoland Territorial Area District chu sumdawnna bungraw phur truck leh motor dangte luh tlang thei loha tiam chin awm lova dan an tum bawk a, chaw ngheia nawrh an tum bawk a ni. BJP kaihhruai sorkarin an thil ngiat hi tihhlawhtlinsak a tum lo nia an hriat avangin nawrh chhunzawm leh hi an tum niin Pu Boro-a chuan a sawi a, BJP chuan kum 2014 leh kum 2016-a Lok Sabha inthlan lai khan Bodoland chungchang hi ngaihtuah a lo tiam tawh a, mahse thuneihna an chan hnuah a bawhzui leh si lo niin a sawi.