Brazil Health Minister, Nelson Teich chu a hna a \an atanga kar tlemte hnuah a bang lehnghal.

0
190
views

President, Jair Bolsonaro chuan Teich hi an ram economy hawn chungchang leh coronavirus vei enkawl nana anti-malarial drugs hman chungchangah a dawihzep lutuk tiin a lo sawisel tawh a ni.

Zirtawpnia news conference neihnaah Teich hian President Bolsonaro chu health minister nih theihna hun remchang a siamsak avanga lawmthu hrilhin a theihtawp a chhuah thin thu a sawi a, mahse a hna a bansan chhan hi a sawi lo thung a ni.

Thla khat ral hmaa health minister pahnihna a chan lehnghal mai hi President Bolsonaro hian politician te dem a hlawh phah hle a ni.

Brazil sipaite chuan deputy health minister ni mek, Eduardo Pazuello, sipai general chu an health minister thar ni turin an nawr ve mek tih Brazil sorkar thupuangtu chuan a sawi.