Tripura-ah coronavirus kai thar mi 11 hmuhbelh an ni a, chung zingah chuan BSF mi 7 an tel a, midang 4 te chu civil mi an ni.

0
62
views

Heng mite nen hian Tripura-a coronavirus kai zawng zawng chu mi 165 an tling tawh a ni. BSF mi Covid-19 kai thar te hi 86th Battalion mi leh sa, Dhalai district Ambassa khuaa awm te an ni a, midang 67 te chu 138th Battalion mi leh sa an ni.

Tripura-ah hian sample test hnuhnun ber 352 zingah mi 11 an positive a, civil mi coronavirus kai mi pali te hi Churaibari khaw mi, driver vek an ni a, mi pahnih chu Guwahati a\anga haw an ni.

Hetihlai hian Assam-ah pawh mi 3 hri kai thar hmuh belh an ni a, kai zawng zawng mi 90 an tling tawh a, mi 41 enkawl dam an ni a, mi 2 an thi a, mi 47 enkawl lai an awm mek a ni. Manipur-ah pawh mi pakhat kai thar hmuh belh a ni bawk.