BSP hotunu Mayawati-in Akhilesh Yadav-a party Samajwadi nena an thawhdunna a tawp tih a puang chiang ta a, a party chuan inthlan tenau leh lian zawng zawng party malin a chuh tawh dawn tih a sawi.

Uttar Pradesh ah hian bial \henkhatah Assembly bye election neih a ni dawn a, Mayawati hian Lok Sabha inthlan zawh hnua Samajwadi party chet dan enin hun lo kal zel turah BJP hneh theih an ni dawn em tih ngaihtuah chian a \ul ta a, hei vang hian BSP chuan inthlanna neih tur reng rengah a lian leh a te-ah te pawh mal din a tum tawh a ni a ti.

Mayawati hian party hruaitu hlunte a titipui hnuah Akhilesh Yadav hian inthlan zawh hnuah a be lo tih sawiin, Yadav-a \an lotu, hnam hnuaihnung te bei zawngin hma a la a ni a ti a, Uttar Pradesh Chief Minister a nih lai pawhin Muslim te a ngaihthah niin a sawi bawk.