Naupang te zinga pathum hi Australia-a hel pawl hotu pakhat Khaled Sharrouf-a fa te an ni a, sorkar chuan heng naupangte hi \anpuitu pawlte puihna nen a chhanchhuak a ni. Prime Minister Scott Morrison chuan heng naupangte hi harsatna chingchivet tak hnuaia chhanchhuah an ni tih a sawi a, nu leh pa ten dinhmun hlauhawm taka ding tura an fa te an hruailut chu thil lungchhiathlak tak a ni a ti a, hetihrual hian an nu leh pa te thil tih sual vangin naupangte erawh hrem tur an ni lo a ti.
Kumin kumtir lam khan Australia mi leh sa te chhanchhuak turin engang hlauhawm pawh thleng se, hmalak a ni ang tih prime minister hian a lo sawi tawh a ni. Shrrouf-a fa te panga hi a nupui chuan kum 2014 khan Syria ah hian a luhpui a ni.
