BSP hruaitu thahna-a inhnamhnawih nia rinhlelh man

0
870
views

Delhi khawpuia Bahujan Samaj Party hruaitu, Deepak Bhardwaj-a thah a nihnaa inhnamhnawiha rinhlelh, sakhaw pawl hruaitu pakhat, Machhendra Nath, Baba Pratibhanand tia hriat lar chu Uttar Pradesh-a Ghaziabad khawpui police-ten nizan khan an man a, NDTV sawi danin, Baba Pratibhanand-a hian lu man, cheng 1,00,000 a nei a ni. Kum li chhung a bibo tawh a, nizan dar 10 vel khan Ghaziabad SP, Akash Tomar-a hovin police-te chuan Pratibhanand-a hi an man thei ta a ni. BSP hruaitu, Pu Bhardwaj-a hian kum 2009 Lok Sabha inthlan kha a chuh ve a, Delhi-a candidate zingah chuan a hausa ber a, a hausakna hi cheng vbc 600 vel nia chhut a ni. Kum 2013, March ni 26 khan Gurgaon-a a thlamah kah hlum a ni a, Delhi police-te chuan bike-a chuang, misual pahnih emaw pathum emaw velin Pu Bhardwaj-a hi an kap hlum niin an sawi.