UP-ah police ten mi 15 that tawh

0
606
views

Uttar Pradesh CM, Yogi Adityanath-a kaihhruai sorkar hnuaiah state police-te chuan thla ruk pawh a liam hmain dan bawhchhiate leh misualte man tuma beihpui an thlakah mi 15 an that tawh tih nimina DGP pisapui report tihchhuahah tarlan a ni a, Indian Express chanchinbu sawi danin, DGP report-ah hian police pakhat a thi tih leh, misualte lakah hian \um 420 vel beihpui an thlak tawh tih ziah lan a ni. Kumin March ni 20 a\anga Ningani thleng khan misual man tuma beihpui an thlakah police 88 an hliam nia sawi a ni a, IGP, Hari Ram Sharma-a chuan police-te beihpui thlakna hi dan bawhchhiatna tihtlem tumna niin a sawi a, hetih rual hian dan bawhchhia, mi 1,106 man an ni tawh tih leh misualte hi police kuta an inpek duh loh \hin avangin inbeihna a thleng \hin niin a sawi bawk.