Bullet Train hmasa ber siamna tur lung phum

0
569
views

Cheng vbc. nuai khat chuang senna tur, India rama bullet train hmasa ber siamna tur lungphum chu vawiin khan phum a ni a, he rel chak chi, Ahmedabad leh Mumbai inkara tlan tur siamna tur lung hi India leh Japan PM, Narendra Modi leh Shinzo Abe-a’n vawiin khan an phum a ni. Sabarmati-a Athletics Stadium-a inkhawm buatsaihah Pu Modi-a chuan, cheng vbc. 1,10,000 senna tur, he project hi Japan ramin India ram thil a pek lian tak a ni, a ti a, khawpui pahnih inkar, km 508-a thui, rela darkar 7 vel kal ngai hi darkar thum tling lovah thlen theih a ni tawh dawn a ni. Pu Abe-a pawhin ram pahnih thawh dunna chu a nghetin a \ha hle tih a sawi a, India ram a chak chuan Japan ram tan a \ha a, hetiang bawk hian Japan ram a chak chuan India ram tan a \ha tih sawiin, he rel chak chi-ah hian Pu Modi-a nen hian an chuan dun ngei a beisei thu a sawi. He hnathawh nan hian Japan chuan India hi cheng vbc. 88,000 a p<ktir dawn a, a pung pawh zaa 0.1 chauh a ni dawn a ni. Kum 1964 khan Japan ram hian rel chak chi hi a siam \an a, tunah hian ram 15 ah hman a ni tawh a, Ahmedabad leh Mumbai inkar rel chak chi kawng siam tur kum 2022-ah zawh hman beisei a ni a, Indian Railways leh Japan rama Shinkansen Technology thawh dunna tur a ni. He Bullet train-ah hian mi 750 vel an chuang thei ang a, Ahmedabad leh Mumbai inkarah ni khatah vawi 70 vel a kal hman dawn a, darkar khata km 250 vela chaka tlan \hin tura ngaih a ni. Ram pahnih PM te hian bullet train project hnuaia thawk tur, mi 4,000 training p>kna tur zirna in dinna tur lung pawh Vadodara-ah an phum nghal a, heng lungphumnaah hian Railway Minister, Piyush Goyal, Gujarat CM, Vijay Rupani, Maharashtra CM, Devendra Fadnavis leh mi pawimawh dangte an tel a ni.