California ram kang nasa, in 800 vel chhe tawh

0
334
views

United States, California-a ram kang nasa tak chuan ram, New York khawpui aia zau a tuam tawh a, niminah ngawt pawh khan in 800 vel a chhia a, ram, acre 56,000 vel a kan belh leh bawk a, khawvela ram kang nasa 5 zingah a tel tawh a ni. Kang \helhtute chuan nimin tlai, khaw thim hnuah khan Santa Ana thli ro leh chak tak chu an hlauhthawn ang em em chuan a hlauhawm ta lo niin an sawi a, hmun \henkhatah chuan ram kang hi an veng thei niin an sawi. Santa Barbara County Sheriff, Bill Brown chuan, kangmei an hmachhawn mek chu rapthlak hle mah se, mi engemawzatin \helh tumin theihtawp an chhuah zel tih a sawi a, Santa Barbara vela cheng, mi 5,000 vel chu insaseng thuai tura tih an ni tih a sawi. Kar kal taa California chhim lam tibuaitu ram kang, Thomas Fire an tih hi kum 1932 hnu lama he state-a ram kang nasa zual chhinchhiah zingah a tel a, ram acre 2,30,000 vel a kang tawh a, in 790 a chhe tawh a, in 90,000 velah kawlphetha pekna a tibuai tawh a ni. Mi nuai 2 chuang an insaseng tawh a, in 1,000 vel a kang chhe tawh bawk. He kangmei tuarte zingah hian Montecito-a chengte pawh an tel a, he khua hi khawvela mi hausa tawntaw engemawzat chenna hmun, mi langsar, Oprah Winfrey-i chenna a ni nghe nghe a, Thawh\anni hmasa zan a\ang khan a kang a ni.