South Korea-in North Korea-a pawl leh mimal engemawzat hrek tur zingah telh thar

South Korea ramin North Korea-a pawl leh mimal engemawzat chu a hr>k tur zingah a telh thar a, vawiin khan North Korea nuclear ralthuam buaipui a duh lohzia lantir nana a thil tih thar ber hi a puang a ni. South Korea sorkarin hr>k tur a puan tharte zingah hian bank leh company engemawzat telin pawl hrang hrang 20 an tel a, mimal 12 an tel bawk. Ram pahnih hi kum tam tak chhung, an indawr meuh tawh loh avangin thla hlui ni 29-a North Korea-in missile a kah chhuah avanga lungawi lohna lantir nana South Korea thil tih hi awmze thui tak nei tur chu a ni lova ngaih a ni a, mahse South Korea sorkar chuan, ram dangte pawhin North Korea hi an hr>k ve a beisei a, heng pawl leh mimalte nena indawr hi an duh lo tih khawvel ram dangte pawhin an hriat phah a beisei niin South Korea sorkara Unification Ministry thupuangtu, Baek Tae-hyun chuan a sawi. South Korea-in hr>k tura a tih tharte zingah hian Rason International Commercial Bank leh Korea Zinc Industrial Group pawh an tel a, mimal hming langte hi North Korea mi, China, Russia, Vietnam leh Namibia rama North Korea bank leh company-a thawkte an ni.
UN-a US palai chuan ram dangte chu North Korea an sumdawnpuina leh palai an intirh tawnna titawp tur leh titlem turin a ngen a ni.