February ni 9 khan Rajeev Kumar-a hi Shillong-a CBI hmaa inlan turin thupek a ni a, ni 5 chhungin darkar 38 chhung thu an zawhfiah hnuah nimin khan amah an dawpna chu an titawp ta a ni. Rajeev Kumar hi additional commissioner of police Jaweb Shamim, deputy commissioner of police, STF, Murlindhar Sharma leh Mizoram attorney general ni \hin leh Kumar-a lawyer ni bawk Biswajit Deb-a te’n Kolkatta a\ang hian an \awiawm a, Deb hian CBI hnenah lehkha thawnin Special Investigation Team-a officer te chu he sum tihchingpenna case endik tura ruat an nih vek angin Kumar-a zawhna an zawhlai hian a awm ve a ngaih thu a sawi a, a thil dil chu CBI te’n an hnawl a, an awm ve an remti ta lo a ni.
Zawhna an zawh chhung hian Kumar hian lehkha pawimawh tichhia-a an puhna chu behchhan awm lo a ni a ti a, bungrua emaw lehkha pawimawh lakkhawmte chu thuneitu court-a division hniam zawkte’n mumal taka an ziahluh loh chuan, a neitute hnena pek let a ni ngai lo tih a sawilang bawk a ni.
Zawhna an zawh hnu hian Kumar hi Kolkatta-ah thawn let leh a ni a, hetah hian CBI director lailawk lo ni tawh M Nageshwar Rao-a nupui Mannem Sandhya inhnamhnawihna, Angela Mercantiles Private Limited nena inkungkaih file te a zirchiang dawn a ni.
