Central Sorkarin whatsapp hmansual avanga in pawng chilna thleng fo a ngaihmawh thu a sawi chhangletin, Whatsapp neitu Facebook chuan hetiang thil thleng hi pawi an tih thu hmalak an tum thu IT Ministry ah ziakin a hrilh

0
362
views

Central Sorkarin whatsapp hmansual avanga in pawng chilna thleng fo a ngaihmawh thu a sawi chhangletin, Whatsapp neitu Facebook chuan hetiang thil thleng hi pawi an tih thu hmalak an tum thu IT Ministry ah ziakin a hrilh.

Whatsapp hmanga thu dik lo thehdarh avanga mipui chil hlum an awm fo chungchangah hian IT Ministry chuan Whatsapp hi hma la tur leh hetiang thil \ha lo leh pawi khawihna atana hman a nih tawh lohna tura hmala turin a hriattir a, lehkha an rawn thawnletah hian mipui chil avanga nunna chan an awm chu rapthlak an tih thu leh pawi an tih thu te, hetiang thil thleng hi khawtlang mipuite leh technolocy company te thawh hona \ha a awm a \ul zia tilangtua an ngaih thu te an lehkhaah chuan an tarlang a ni.

Whatsapp hian India ramah hmangtu maktaduai 200 zet a nei a, whatsapp chuan message inthawn ah, midang a\anga dawn, thawn chhawn leh a ni em tih hriat hran theih dan tur bilh tel tuma hmalak mek a ni a ti.

Media report hrang hrang a\anga a lan danin kum khat kalta chhung khan thu dik lo thehdarh vangin mipuiin mi 30 zet an chilhlum tawh a ni.