Thingdawla PWD National Highway Division-V thar chu vawiin khan PWD Minister, Pu Lal Thanzara’n a hawng

0
360
views

Thingdawla PWD National Highway Division-V thar chu vawiin khan PWD Minister, Pu Lal Thanzara’n a hawng.

Hemi puala inkhawm Thingdawl High School-a neih hi Principal Secretary, Pu Lalram Thanga’n a kaihruai a, Minister chuan Mizoram chu leilung naupang te, lei hnip tak a nih avangin duh reng vang pawh ni lovin khuarel chhiatna thlen changin kawngpui leh lei dawhte a lo chhe palh \hin niin a sawi a, hetianga khuarel chhiatna a lo thlen chang hian tawngpawng insawisel ringawt lovin, kal hmang \ha zawk emaw hmalak dan tur tha zawk emaw hriate tan pawh hawihhawm taka infinchhuah zel chunga rawtna inpek ching zawk turin mipuite a ngen a ni. Pu Lal Thanzara chuan, PWD chuan mipuite beisei phak loh chang a nei fo nia sawiin, fakna aia selna an dawng tam zawk chang pawhin lung lova la lova mipui leh ram tan theihtawp chhuah zel turin PWD hnathawkte chu a chah a. Kawngpuite \ha zawka enkawl a nih theih nana tun hnaia PWD leh Central YMA-in thawhhona thuthlung an ziah chuan rah \ha a chhuah ngei a beisei tih a sawi.

National Highway Division-V hi Lawngtlaia Multi Modal Trasit Transport Project Division-2 tih \hin kha a ni a, he Project hi a tam zawk thawh zawh tawh a nih avangin Kolasiba PWD Division chu Mizorama PWD Division lian ber pawl leh hna ngah ber pawl an nih avangin Thingdawlah hian sawn a ni a. Tun dinhmunah Mizoramah hian kawngpui km 7500 vel a awm a, chung zinga km 6000 vel chu PWD-in a enkawl a, BRO in km 900 vel an enkawl thung a ni.