Chakma leh Hajong raltlan thlawptu pawl-in Union Minister hnenah ngenna thehlut

0
284
views

Arunachal Pradsesh-a Chakma leh Hajong raltlante thlawptu pawl, Right Cause – Partnering for Change chuan Union Home Minister, Rajnath Singh-a hnenah Chakma leh Hajong-te dikna leh chanvo, kim taka pe turin a ngen a, he pawl president, Mahendra Chakma-a’n thuthar lakhawmtute a hrilh danin, Pu Rajnath Singh-a hnena lehkha a thawnah Chakma leh Hajong-te hi ram khua leh tui nihna chauh ni loin, dikna leh chanvo hrang hrang- state sorkar hnuaia hna thawh phalna, ration card neih phalna leh, khawtlang hruaitu nih theihna pawh pek an phut nghal a ni. Home Minister hnena a dilna thehluhah hian Pu Chakma-a hian hemi chungchanga inhnamhnawih zawng zawngte leh sorkar thuneitute chu politics hawi zawnga thil ngaihtuah lo tura ngenin, buaina chin fel hlen tuma thawkho turin chah a ni.