Chief Minister, Pu Lal Thanhawla’n Lawngtlai Bawrhsap, Dr. Arun T chu District Council hotute duh dana sawn a nih thu a sawi nawn

0
410
views

Chief Minister, Pu Lal Thanhawla’n Lawngtlai Bawrhsap, Dr. Arun T chu District Council hotute duh dana sawn a nih thu a sawi nawn.

Chakma Autonomous District Council huam chhunga kawnglaih chungchanga MNF member, Dr. K. Beichhua zawhna leh zawhbelhna dangte a channaah District Council and Minority Affairs Department enkawltu, Chief Minister, Pu Lal Thanhawla chuan, Autonomous District Council chu thuneihna sang tak nei a nih avangin an thil tih leh hnathawh hrang hrang chu State Sorkar-in a hriatpui loh thu leh a inrawlh ngai loh thu a sawi. Chakma Autonomous District Council bik chu tun hnaiah an kal dan a dik lova, Council thuneituten sum puk theih zawng zawng an puk chu thil nih phung a nih loh avangin rul tura hriattir an nih hnuah an rulh avangin Larsap pawhin a ngaithiam a. Hemi hnu hian ngaihdam theih loh khawp tihsual an neih leh avangin Larsap chuan CADC sorkar chu \hiah hial duh mah se, \hiat lovin a suspend ta zawk niin a sawi a. Hun lokal zel turah sum leh pai enkawlna \ha zawk a awm theih nan hmalak a ni a, hetih rual hian hlawh leh inrelbawlna atana sum kal hnem lutuk chu tun hnai a\anga in\an ni lovin hun rei tak lo kalpui tawh a nih thu leh hetiang hi thil awmdan a nih avangin State Sorkar kaltlang kher lova, Sorkar laipui a\anga sum dawn tir mai tur em ni tih State sorkar-in a ngaihtuah tih Pu Lal Thanhawla chuan a sawi.