Hetihlai hian China ram pumah virus kai thar mi 2048 hmuh chhuah belh an ni a, heng zinga 1933 chu Hubei biala chengte an ni. China ram pumah coronavirus kai hmuh chhuah zat hi 70,500 an tling tawh a, Hubei bikah hian 58,182 in an kai a, mi 1692 in an thihpui tawh a ni. Tuna kai thar tam berte hi Wuhan khawpuia chengte an ni a, Hubei province ah hian Wuhan hi khawpui lian ber a ni.
He hrileng darh zau zel tur khuahkhirh tumin thuneitute chuan mipuite chetvel dan an khuahkhirh nasa hle a, Hubei provice-a cheng mi maktaduai 60 zet te chu anmahni chenna In-a tawm rih tura hriattir an ni a, chhungkaw pakhata mi pakhat zel te chu eitur lam turin ni thum dana an kal chhuah phalsak an ni. Sumdawnna hmun te pawh damdawi dawr, hotel leh eitur lamna hmun tih loh chu khar vek a ni.
Mimal lirthei te pawh tlan khap a ni a, eitur phurhna lirthei te erawh an tlan phal a ni thung. China khawpui Beijing thuneitute chuan zin haw hlim te chu ni 14 chhung an mahni chenna In-a inkhung hrang turin an hriattir bawk a ni.
