China-a coronavirus hri leng vanga thi zat chu 106 an tling tawh a, mi 4,515-in an kai tawh bawk.

0
343
views

Japan chuan Wuhan-a cheng a ram mite hri leng laka an him nan hruai chhuaktu tur thlawhna Wuhan-ah a tir a ni.

Tun dinhmunah China bakah ram 16 laiah he natna hri hi a \aidarh tawh a ni.

China-ah chuan he hri leng laka inven nan hmaituamna hman an intihhmuh nasa hle a ni. Coronavirus natna vei te chuan thawkna lamah harsatna an tawk a, hetihlai hian a tihdamna emaw, a venna tur damdawi erawh a la awm lo a ni.

Hubei province-a thi tam zawk te chu kum upa lam leh tun hmalama thawkna lama harsatna lo nei tawh te an ni tlangpi a ni.

China state media tarlan danin he natna vei nia rinhlelh, damdawi ina dah mi 60 te chu dam takin an chhuak tawh a ni.

He natna hi a \aidarh zel loh nan China kumthar, Lunar New Year lawmna tur tam zawk chu \hulh a ni a, an chawlh neih chhung pawh ni thum an pawtsei a ni.