Tun dinhmunah China-a coronavirus vanga thi zat chu mi 490 vel an tling tawh a ni.
Damdawi in sak thar, Huoshenshan-ah chuan Thawhlehni khan damlo enkawl hmasak ber tur dah luh a ni.
Huoshenshan-ah hian khum 1,000 a leng a, Leishenshan-ah chuan khum 1,600 lengin Ningani a\angin damlo enkawl \an tak tak turin hna an thawk \an dawn a ni. Zhengzhou-ah pawh coronavirus kaite dahna tur emergency hospital duan a ni a, cabin 542 dahin tun thla laihawl vela hman theih tura zawhfel tum a ni.
Shaanxi province-a Gaoling-ah pawh kum 1,000 lenna tur sak mek a ni a, damdawi in sakna bulah hian chenna in tam tak a awm vangin mipuite chuan natna kai ve mai an hlauh thu an sawi a ni.
Jiangsu province-a Nantong -ah pawh damdawi in sak a ni a, a bul hnaia chengten damdawi in sak lai thlalak online-a an thehdarh vangin mi pahnih man an ni a, US Dollar 71 chawi tirin ni 5 chhung tan inah an dah a ni. Hetihlai hian Nantong damdawi in sakna bul hnaia restaurant neitupa, Zhao chuan damdawi in sakna hmun chu mihring chenna a hnaih vanga an hriselna dinhmunin a tuar phah an hlauh thu mi tam takin an sawi chu a \awmpui tih sawiin, mihring cheng tam lohnaah damdawi in chu sa se a duh tih a sawi bawk.
