Wuhan khawpuiah hian mi maktaduai 11 vel an cheng a, Coronavirus tia sawi, natna leng mek hi inkaichhawn theih a nih vangin thuneitute chuan mihring punkhawm theihna chi leh vantlang thil tih khawmte huaihuat lo turin an ngen a ni.
He natna hi Wuhan a\angin China ram chhung hmun hrang hrangah a \aidarh tawh a, US, Thailand leh South Korea-ah pawh a \aidarh tawh a ni.
He natna hi mi 440-in an kai tawh tih finfiah a ni a, National Health Commission vice minister, Li Bin chuan Wuhan-a cheng te chu an khua chhuahsan lo tur leh Wuhan-a zin lo turin mipuite a hriattir a, China chu invenna leh inthunun hun pawimawh lai berah a awm mek tih sawiin he natna hi thawkna dawt kaltlangin taksa dangah a in\aidarh tih a sawi bawk. He natna hi eng a\anga chhuak nge tih an la finfiah thei lo a ni.
Tuna China-a natna hri leng mek hi a kai tawh tea a landanin thawkna lamah harsatna an tawk a, an khua a sik a, an khuh bawk a ni.
