China bus chesualah mi 36 thi

0
404
views

China ram hmar lama bus chesualah mi 36 vel an thi a, mi dang 13 an hliam. China sorkar thuneitute sawi danin, nizana chesual, he bus hian Shaanxi province-a Ankang khawpuia lei verh luhna bula bang chu na takin a su a, bus hi a chhe nasa hle a ni. Mi 49 vel chuanna bus hi China chhim thlanga Sichuan province-a Chengdu khua atanga chhuak, Luoyang khawpui pan a ni a, hliamte chu damdawi in panpui nghal an ni a, hliam zingah hian na tak tak an awm nual nia sawi a ni. China ramah hian traffic police-te’n dan an lek kawh that loh avangin lirthei a chesual fo nia hriat a ni a, bus chesuala thi phei chu an tam tawh hle a, kum 2015 chhung ringawt pawh khan lirthei chesualah mi 58,000 vel an thi niin China sorkar hotute chuan an sawi. Puan tawh angin, thla hmasa khan Hebei province-a bus chesualah mi 11 an thi a, mi dang 9 vel an hliam a ni.