Aizawl Civil Hospital Blood Bank-in tun hnaia Mobile Blood Donation Van an dawn hmangin vawiin khan Aizawla Millenium Centre tualah Mobile Blood Donation Camp an buatsaih a, mi 42-in thisen an pe a, a petute hi mipa 33 leh hmeichhia 9 an ni. Mobile Blood Donation Van hi HDFC Bank-in Corporate Social Responsibility hnuaia an pek a ni a, Blood Bank-a thawkte chuan tun hi Mobile Blood Donation Camp an buatsaih tum khatna a ni tih sawiin, hetiang Camp hi buatsaih chhoh zel tum a ni tih an sawi. HDFC Bank-in Mobile Blood Donation Van a pek hi cheng nuai 28 leh sang 5 senga siam a ni a. A chhungah hian thisen pekna khum 2, thisen unit 120 leng Blood Refrigerator leh thisen petute en theih tur, LED TV pakhat a awm a. Silent Generator, PA System tha tak leh pawn lam atanga en theih TV dang pakhat a awm bawk.
