Hri kai thar hi nasa takin an pung chho bawk a, mi 14,840 in an kai tih finfiah a ni tawh a, Hubei hian haum zau zawkin he hri kai leh kai lo te enfiah hna a thawk a, hei vang hian a kai thar hmuh chhuah zat pawh hi an pung a ni.
He natna kai thar hmuh chhuah an pun chhoh nasat avang hian China sorkar chuan Hubei province-a sorkar hnathawk lian pahnih chu a ban a ni. Tuna thi thar leh te nen hian Corona Virus hi China bikah mi 1350 chuangin an thihpui tawh a, a kai finfiah zat chu sing 6 an chuang tawh a ni.
China chu he natna darh dan a tir lama zepah puh a ni a, London School of Hygiene and Tropical Medicine-a Professor David Haymann chuan he natna thihpui zat an pung zel chu a manganthlak tak zet tih a sawi a, influenza ang thovin a kai te zingah thihpui an tam a ni a ti.
