China-in Pakistan thlavang hauh

US President, Donald Trump-a’n mi firfiak pawlte hum thina Pakistan a puh hnuah, China-in na takin Pakistan thlavang a hauh ve leh. China Foreign Minister, Wang Yi chuan Pakistan sorkar leh mipuiten a firfiaka chetna do kawngah hna an thawk nasa hle
nia sawiin, thil tam tak an chân niin a sawi a, khawvel ram hrang hrangte pawhin an hnathawh that hi hriatpui se an duh thu uar takin a sawi. Wang Yi hian he thu hi Pakistan Foreign Minister, Khawaja Muhammad Asif nena Beijing-a chanchinbu mite an kawmna-ah a sawi a, Pakistan-in a firfiaka chetna do kawnga a hnathawh thatte chu mi tin hmuh theih niin a sawi bawk. Puan tawh angin thla hmasa lawk khan Afghanistan leh US thawh dunna chungchanga a thusawi-ah US President chuan US leh Afghanistan sipaite bei thintu, mi firfiak pawlte hum thinah Pakistan chu a puh a, an ram inkar pawh nasa taka siksawi a tum thu a sawi a, US Secretary of State, Rex Tillerson pawhin Pakistan chu US thawhpuite zing atanga hnawl leh, sipai leh ralthuam lama an puihna-te tihtawp mai pawh an hnial loh tur thu a lo sawi tawh bawk a ni.