China sorkar enkawl company-in Iran pawisa puktir

0
454
views

China sorkar enkawl company, CITIC investment group-in Iran rama bank hrang hrangte chu dollar vbc 1,000 vel a puktir niin Iran Central Bank President, Valiollah Seif-a’n a sawi a, Iran Daily chanchinbu chuan, he pawisa hi Iran rama tui, kawlphetha leh inkalpawhna tihhmasawnna hnathawh nan hman a ni dawn niin a sawi. China-in Europe leh Africa ramte nena insumdawn tawnna \ha zawk a neih theih nana a ruahman, dollar tld. sing eng emaw zat hu, One Belt, One Road atan Iran hi a pawimawh hle a, Seif-a sawi dan chuan, China Development Bank leh Iran sorkar chuan dollar vbc. 1,500 hu inremna thu a thlung lailawk bawk a, hei hi project hrang hrangah hman a ni ang. China hi Iran ram tuialhthei leitu lian ber a ni a, Iran-in tuialhthei a hralh chhuah hmun thuma \hena hmun khat chu China ramah a lut a, nuclear ralthuam a en chhin avanga US-in Iran a hrekna hlih a nih hnu khan China President Xi Jinping-a chuan Iran hi tlawh nghal a, ram pahnih insumdawn tawnna tihhmasawn lehzual a tiam a, China sorkar hian Iran hnenah Tehran, Mashhad leh Isfahan khawpui pawh tur, rel kawng siam nan dollar vbc 40 chuang a puktir bawk a ni.