Mizoram Nursery Owners Association hruaituten kut hnathawktute chawi kan nana sorkar laipui a\anga cheng vbc. tam tak lo kal \hin chu, Horticulture Department officer tlemte-in an tichingpen nasa hle niin thuthar la khawmtute an hrilh a, an pawl hruaitute hian vawiin khan thuthar lakhawmtute hi an Vice Chairman, Pu Vanchunglura nursery, Sihhmui-a mi fanpuiin, an pawlin harsatna an tawh dan an hrilh a, sorkar laipuiin nursery neia eizawngte leh thingtlanga kut hnathawka eizawngten lei rem an rah theihna atana kum tina pawisa tam tak lo kal \hin chu kum tam tak kal ta a\ang khan hman ral a nih \hin dan an hriat tawh loh thu an sawi. Mizoram Nursery Owners Association hruaitute chuan kum 2012 a\ang khan kum tin, sorkar laipuiin Mizoram Horticulture Department kal tlangin, cheng vbc. 20 a\anga 50 vel a rawn pe ziah nia sawiin, he sum tam tham tak hi a nihna tur dik takah hman ni sela chuan, hmasawnna hmuh tur tam tak a awm tawh an rin thu leh, tunah chuan a rah hmuh tur engmah a la awm lo niin an sawi a.
Heng sum zozai hi department officer \henkhatin dan lovin, an chhungte leh an vua leh vangte hmingin nursery changtlung tak tak siam nan an hmang vek nia sawiin, officer \henkhat chuan nursery neite an thurualpui a, kumin May thla a\anga August thla chhung khan an hriat theih chinah supply order hrang hrang Rs. 77,01,300 man an hmu niin an sawi bawk. Mizoram Nursery Owners Association hruaitute chuan Officer \henkhat, nursery neite leh an thurualpui ni ngeia an hriat te sawiin, Pudaite Nursery, Darkunga, Muallungthu hminga awm chu Laltawiliani, Chanmari, Aizawl ta niin an sawi a, TZ Nursery, Kolasib, P. Malsawma, Kolasib Diakkawn hminga awm chu, Horticulture Director, Dr Elizabeth Saipari thurualpui ni ngeia an hriat thu te, Maria Nursery, Vaipuanpho, Ailawng leh Bethlehema mi, Teresa Lalrindiki hminga awm chu M. Vanlalzawmi, DHO, Serchhip ta a nih thu te, Evergreen Nursery, Tuipawl, Kawlkulh leh Darkhuang, Muallungthu-a nei kawp hming putu, Lalsangzuala Chenkual inti chu Vanlalruata Chenkual, Horticulture Dy. Director ta a nih thu te, LB Nursery, Lengpui, M. Lalremsiama, Hunthar veng ta nia lang chu T. Liankunga, ADHO, Kolasib ta nia an hriat thute an sawi a.
Hetianga officer \henkhatin thurualpui an neih avang hian Mizoram Nursery Owners Association member 68 zinga tih takzeta hnathawk 26 vel chauhte tan chuan hmasawn ngaihna a awm lo niin an sawi. Pu Vanchunglura chuan, Horticultura Minister, Pu PC Lalthanliana’n a department enkawlah hlemhletna a awm loh tur thu a sawi chu an thlamuanpui em em laiin, Horticulture department-a officer tlem te-in mi dang hming hawha nursery siam a, kut hnathawk tak taktute chu CM leh Horticulture Minister hnenah pawh nursery pawh nei tak tak lo ang hialin an sawi niin a sawi.
