Congress party bultum-a eptu party intelkhawmin Chief Justice of India Dipak Misra bantir tura Impeachment motion an putluh chu Vice President Venkaiah Naidu in a hnawl

0
240
views

Congress party bultum-a eptu party intelkhawmin Chief Justice of India Dipak Misra bantir tura Impeachment motion an putluh chu Vice President Venkaiah Naidu in a hnawl. Rajya Sabha Chairman ni bawk Vice president hian Chief Justice bantirna tur khawp chhan \ha tawk a awm lo tih a sawi a, MP 60 ten hming ziaka motion an thehluh hi tukin khan a hnawl a ni. Chief Justice Misra hian vawiin ah pawh dan pangngaiin Supreme Court ah thubuai a ngaihtuah chhunzawm a ni.

Motion a hnawlna thupek, phek 10-a chhaha a ziah danin, Chief Justice puhna ah hian finfiah theih leh thu tling tawk a awm lo tih Venkaiah Naidu chuan a tarlang a, MP ten motion an thehluha Chief Justice an puhna te chu rinhlehna leh ngaihruatna-a innghat a nih avangin Chief Justice paih theihna tur, ‘rinhlelh rual lova thil ti dik lo’ tih chu a tling zo lo a ni a ti a, Chief Justice puhna lo irhchhuah dan chu ram danpuiin dan rorelna Judiciary zalenna a humhim sak ngaih pawimawh lohna nia a lan thu pawh a tarlang tel a. Dan rorelna innghahna sawi nghin a nih chuan a zahawmna leh mipuite rinna thlenga sawi nghin a nih theih thu te, hei hi dan rorelna kalphung ti chhe thei a nih thu te pawh tarlangin heng thil tha lo thleng thei te hi ven a ngai tih a sawi a, puhna rintlak, finfiah theih engmah awm lo a nih avangin Chief Justice of India ban tir tura motion lut chu a hnawl tih Venkaiah Naidu chuan a sawi.