Kanker District ah vawiin khan Border Security Force leh hel pawlte an inbei

Chhatisgarh-a Naxal hel pawlte chet hluarna, Kanker District ah vawiin khan Border Security Force leh hel pawlte an inbei a, BSF mi pakhat a hliam. Inkahna hi Mahla BSF Camp bulah tukin dar 10 vela thleng a ni a, BSF 114th Battalion mi leh sa, helai hmun a\anga hel pawl te um chhuak tura thawk chhuak chu hel pawl te hian bomb hmangin an lo bei a, silaiin an kap zui bawk. BSF sipai hliam tuar hi Constable Bhagwan Singh a ni a, Pakhanjore damdawiin panpui a nih hnuah Raipur lamah thlawhnaa hruai nghal a ni. BSF te hian nasa taka an kah let hnuah hel pawlte hi an tlan chhen nghal a, inkahna hmunah hian sipai tam zawk tirh luh nghal an ni tih Kanker Superintendent of Police KL Dhruv chuan a sawi.