Congress President Rahul Gandhi a’n hmasawnna kawnga mi thenkhat hlam chhiah avangin ISIS ang chi mifirfiak pawl an pung tih lam hawia Germany-a thu a sawi chu BJP in na takin an sawisel.

0
362
views

 

Hamburg Bucerius Summer School-ah thu sawiin Rahul Gandhi chuan kum zabi 21-n ah chuan hmasawnna kawnga hlamchhiah leh thlauhthlak bik neih a pawi hle tih sawiin BJP te chu Tribal, Dalit leh hnam tlem zawkte thlauhthlaah a puh a, tunhnaia India ram chhunga in pawng chilna thleng fo chu hnathawh tur neih loh vanga mipui thinrim chetna nen a sawizawm a, pawisa note tih thih leh GST kalpui vangin tribal te leh loneitute, Dalit leh hnam tlem zawkten nasa takin an tuar a ni a ti a, hei hian helna leh ngaihtuahna rapthlak tak ISIS te rilru ang mipuiteah a tuh ta niin a sawi.

BJP chuan Rahul Gandhi thusawi hi ram himna ti derthawng thei a ni tih sawiin, ngaihdam dil turin an phut tih an sawi ve nghal a, Union Minister Mukhtar Abbas Naqvi chuan ISIS te sawimawi zawnga \awngkam chhak chhuakah Rahul Gandhi chu puhin, an hriat thiam theih loh thu a sawi.