Congress President Rahul Gandhi chu intihhmingchhiat thubuaiah vawiin khan Mumbai court-ah a inlan.
Mumbai Airport leh Thane inkarah ‘Prime Minister la ni mai tur’ tih thuziak hmangin Rahul Gandhi hi party mi ten an lo lawm a, State President Ashok Chavan leh party hotu dangten an lo dawngsawng a ni. Rahul Gandhi hian Bhiwandi Court a pan nghal a, Rashtriya Swayamsevak Sangh RSS worker ten kum 4 kalta-a alaka intihhmingchhiat thubuai an putluh chungchangah Court ah hian a inlan a ni. He thubuai hi kum 2014 inthlanpui campaign laia Rahul Gandhi a’n Mahatma Gandhi thihna chungchanga RSS te mawhphura a puh avangin RSS hian an putlut a ni. Rahul Gandhi hian he amah puhna hi thu dik lo a ni a ti a, chanchinbumite a kawmna ah Rahul Gandhi chuan Prime Minister Modi chu thil man sang chho chak lutuk leh tuialhthei man sang chungchang engmah sawi ngam lovah a puh a, a theih ang angin amah beihna tur a ngaihtuah reng zawk niin a sawi a, a thubuaiah hian hnehna a chan ngei tur thu a sawi.
