Fakselna 12th June, 2018

0
465
views

YMA Chaltlang Branch, Aizawl ten YMA Day vawi 83-na pualin YMA Madanrting Branch Shillong-te kan mamawh em em puan 30 lawih min rawn pe hi kan lawm em a, kan lawmthu ZONET Fakselna kaltlangin ka rawn sawi a ni e.
VANLALHRUAIA, President YMA, Madanrting Branch Shillong
————

BJP lal theihna kawng siam duh lo zawng zawng chuan Congress vote mai tur. MNF leh ZPM party-te hian an lal theihna a nih chuan BJP sorkar siampui an duh ngei ang.
VL Ruata
————-

Inthlan dawn hnaihah BJP an rawn che na viau mai thei. Chutihrualin kan hriat phak lohin MNF nen sam an lo phiar zawm mai thei bawk.
Lalthawvenga
————-

ZONET-in Bairabi-Sairang Rel kawng siam mek in cover hi a va hmuhnawmin a va \ha em. Ringlote leh hnamdang zawkte hnathawh dan en hian kan Engineer te tan chona a va ni em.
9862223002
————-

Kan sorkarin “SEM” policy an rawn duan chhuah dan hi ngun taka han thlir chuan mipui tan chuan a lawmawm lo hle a ni. Mipui, chhungkua hmangaih tak anga lang si hian eng vangin nge NLUP hi nuai khata an sem mai loh le? Congress pa pakhatin a sawi dan chuan nuai khata kan sem chuan an dawng full vek anga, party dangah min pemsan anga, installment-a kan sem hian a bak an dawn leh tur beisei ni bawkin dawn leh tur ch^n mai hlauvin kan phuarbeh theihna awmchhun a ni zawk dawna a lan avangin installment-a sem hi party tan a \ha zawk a ni ti niawm takin a sawi an ti a, a dik pawhin a lang thei hial awm e. Hetianga phakar taka mipui bumna thinlung neih leh mipui laka hmai hnih neia an tal reng duh hi sorkar tlak an ni ta lo. Mipuiten rilru kan thlak a ngai ta e. Hetiang khawpa kan hriat chian tawh pawha kan la bansan ngam lo a nih chuan tumah hi i phunchiar tawh lovang u.
Khiangawi Group Aizawl
————-

Thingtlang Sumo rate hi petrol man a san chuan tih san mai tur a ni a, mahse petrol man hi a sang thut a, a hniam leh thut a, Sumo rate hi an ti hniam leh tawh chuang si lova, keini mi rethei, eichawp dap tak tak tan chuan buaithlak tak a ni. Petrol man a hniam chuan tih hniam ve leh mai awm tak, an ti hniam leh tawh mai si lo. An hmang leh char char anga, retheihthlak tak a ni. Hotu lam khan bengsikin ngaihtuah teh se, kan zin ve lo thei si lova.
Marami Chawngthu
————-

Bairabi leh Zamuang inkar kawng pawh a khawk leh vek tawh a nih hi. Thla hnih chiah an siam a\angin a la ni asin mawle. Engtia awm thei nge? A va mak dawn ve. Khawnge contractor hi a awm? A zuk hmu vek ang em? Aizawl Two Wheeler Taxi-ah hian ka chuang ve ta fo mai, an registration-na a la rei loh hlawm hlawm nen hian enga tinge an metre hi 0-a inziah zel le, in lo chik ve em? An tlan hlat zawng hi kan hmuh ve an hlau tihna a ni thei mai ang em? Hmanni lawka registration ti hote kha metre-ah 0 a inti char char a, engnge a chhan ni ang? A te ber thleng hian eiruk hi kan tum vek zawng a nih hi.

Drintea Pachuau
————-

Sairang khua te u lungngai suh u, min lo puih tawhna te kan hre reng a, intawrh kan phal lo. Nangmahni pui tur che u-in Aizawl a\angin \halaite pawh kan lo chhuk zel dawn.

K. Hautea
————-

Tukin ni 12.6.18 ZONET Zawlbuka thubawk vak kan tih maia Eye Care Centre programme, Lasik Lasser programme kha ni April 19-29.18 tiin ziak a ni a, hun pel thui lutuk tawh khatiang rawn tarlan kha ZONET tih atan chuan a mawi lo hle mai. Tihsual a nih chuan siam\hat thuai ni se. Zing Daifim entute tana programme buai lutuk te kha ZONET chhungkua nih zahthlak khawp a ni. |an lak thar a va ngai ve.
LT Ralte
————-

Pu Lalsawta Minister hian lal lal laia khua leh tuite chanvo ngaihsak lova mahni inhai vura hausa thur thur a tih hi khawi lal nge ni ang le? Mipuite ngaihsak lova inhai vura hausa thur thur chu Congress Minister-te hi an ni zawk lo maw?
Z. Sailo,
Sailo laltupa
—————

ZPM tih fuh loh deuh mai chu CM candidate-ah pakhat chauh an siam hi a ni. A tlin loh chuan chuti hlauh. A tling thei bawk si lova, Pu Sapdanga te hi lo telh sela \ha tur. Ani hi chu Vanglaini latu zawng zawngin an vote awm sia.
8974797283
————-

I ram, i huan neih chhun zau tak lo vatin lo samfai tawh rawh u le! I huan ram kha vai bawng chaw phur suasam atan ringawt khan dah awl sak reng tawh suh. Vai bawngvulh ho hian meng leh meng inbum an thiam teh a nia. Chu ai chuan Hmunphiah emaw, Sawhthing emaw chin nan hmang \angkai zawk tawh rawh le. ZPM an sorkar dawn ta keipawn ka huan ka enkawl thar tawh dawn. Congress party leh MNF party kaihhruaina hnuaia kan awm chhung hi chuan kan ram neih sa pawh kan dah \hing\huap mai zawng a nih hi. Hetiang lo deuha hman \angkai dan chu ZPM chuan “Hanhawlding Policy” bana kaih inzirtirna \ha tak an nei dawn, a va nuam dawn em! Engpawh ni se, kalphung hluia inkaihruai leh mai mai tur, lal\hutthlenga in\hut chhawk ringawt hian kan ram a dam zo tawh lovin, a tla tlum tlum nihlawhna a ni satliah ve mai. Hmelhriat nei ve lo tan a hrilhaithlak em a ni. Hawh u, mipuite i \angrual zel ang u.
MS Chhakchhuak, Aizawl
————-