Corona Virus hlauh vanga buaina Khawvel ram hrang hrangin an tawk chhunzawm zel a, Australiaah chuan kut silfaina, hand sanitiser, hmai tuamna leh toilet paper ang chi te mipuiin an lei nasa a, dawr tam takin hralh tur an nei tawh lo a ni.

0
97
views

Mipuiten heng thilte hi lei tur an chang lovang tih an hlauthawng a, thuneitute erawh chuan chiai vanga heng thil te lei khawm chiam tum lo turin mipuite an ngen a ni. Covid 19 hi mi 30 in Australiaah hian an kai tawh tih finfiah a ni.
Hetihlai hian Canada chuan Iran a\anga an rama let te chu ni 14 chhung anmahni in lama tawm rih turin a hriattir a, Iran hi tunhnaia Coronavirus kai tamna ram a ni a, mi 66 in an thihpui bakah a kai hmuh chhuah 1,500 an awm tawh a ni. Canada hian he virus lo chhuah \anna Hubei a\anga an rama lutte pawh ni 14 chhung inkhung hrang tur hian a ti a ni.

Khawvel pumah coronavirus kai hi mi 90,936 an awm tawh a, an zinga a zatve vel chu an dam \ha leh tawh a, a kai tamna ber China ah chuan mi 80,151 an tling tawh a, South Korea in dawtin mi 4,812 in an kai tawh a, Italy ah 2036 leh Iran ah 1501 in an kai tawh a ni.
Japan ah pawh virus kai hi 274 finfiah an ni tawh a, France ah 191, Germany ah 165, Spain ah 120, Singapore ah 108, US ah 106 leh Hong Kong ah mi 100 in an kai tawh a, South America, Africa leh Australia ah te pawh hmuh a ni tawh bawk.

Virus thihpui tawh zat mi 3117 zinga 1936 chu China mi an ni a, Iran ah mi 66 in an thihpui a, Italy ah mi 52 leh South Korea ah mi 29 in an thihpui tawh a ni. Virus thihpui hi Japan, US, Australia, philippines, Taiwan leh Thailand ah te pawh an awm tawh bawk a ni.