UN Human Rights Council in CAA chungchang India Supreme Court ah thlen a tum thu a sawi chu India in chhangletin, CAA chu India ram chhung inrelbawlna thil a ni a, ram dang emaw, khawvel ram hrang inzawmkhawm emaw inrawlhna tur a ni lo a ti.

0
75
views

External Affairs Ministry chuan CAA chu India in independent ram a nih anga a ram chhung thil liau liau a ni a ti a, ramdang tumahin sawi ve theih an nei lo a ni a ti. UNHRC hian CAA chungchanga inrawlh tura ngenna Supreme Court ah a thehlut a, hetiang ngenna hi Supreme court-a a luh vawi khatna a ni.

January thla khan Supreme Court hian CAA chungchanga ngenna lut 143 zet a lo ngaihtuah tawh a, CAA hnawl tura ngenna te chu ti hlawhtling nghal lovin sorkar laipui chu hapta li chhunga thil awmdan sawifiah turin a lo hriattir tawh a ni.

CAA hnawl tura ngenna thlentute zingah hian political party \henkhat Congress, DMK, Indian Union Muslim League leh Left party \henkhatte pawh an tel a, eptu party te hian CAA leh NRC bakah National Population Register te chu Muslim te nekchepna hmanrua a ni thei dawn niin an sawi.