COVID-19 vanga damlo enkawl mek mi 5 chu damdawi in kang vangin an thi.

0
101
views

Russia ram St. Petersburg-a St. George damdawi inah kangmei a chhuak a, he damdawi inah hian coronavirus kai damlo ICU-a enkawl lai mi 5 an awm a, heng mite hi kangmei chhuakah hian an kang hlum a, ventilor hmang lai vek an ni.

Kang mei hi ventilator-a electric short avanga chhuak a ni a, mi 150 te chu damdawi in atanga lakchhuah an ni tawh a, mi engzatin nge hliam a la hriat theih loh tih Russia emergency minister chuan a sawi.

Damlote hian ventilators an hman rim lutuk avangin kang mei hi a chhuak tih St. Petersburg emergencies department chuan a puang.

Russia hian inkharkhip thlahdul an tum \an mek a, in satu, loneitu leh thil siamna hmunpuia thawkte chuan an hna hi an thawk leh \an tawh a ni.

Russia hi khawvel pumpuia hrileng kai zingah 3-na a ni mek a, mi 2,21,344-in an kai tawh a, Italy leh UK aiin hrileng kai an tam tawh zawk a ni.