Finance Dept in ZPM Legislature Party hruaitu Pu Lalduhoma thusawi sawifiahin, a sum faia pawisa kawl teuh emaw, Covid do nana hman teuh tur emaw a awm hran lo tih a sawi.

0
357
views

Finance Dept-a Economic Affairs Branch chuan thuchhuah siamin, Sum hmuhna Pu Lalduhoma'n a sawite chu dik tlangpui mahse, LESDE hmanga cheng vbc 21 sorkarin hmu anga a sawi chu a dik tawk lo a ni an ti a, LESDE atang hian Supply Dept in cheng vbc 6.41 a hmu a, hei hi ration buhfai a thlawna semna atan hman nghal a ni a, cheng vbc 14 nuai 88 chu MBOCWWB hnuaia inziaklut te tangkafaia tanpui nan hman a ni a, a hranpaa sorkarah chhunluh a ni lo an ti.

Sorkar sum hmuhna tarlan zing ami National Bamboo Mission Fund chu Approved Action Plan anga hman tur a ni a, Covid do nana pawh-pen theih a ni lo tih tih Finance Dept hian a sawi bawk a,  SDRF hnuaia cheng vbc 23.50 lo kal pawh disaster kaihhnawih hrang hrangah hman tur a ni a, Covid do nana hman theih zat tihchian a ni lova, cheng vbc 7.28 vel hman theih beisei a ni an ti a. NEC atanga cheng vbc 3 hmuh chu Covid do nana hman tur a ni a, a hmanna tur pawh ruahman fel vek tawh a ni a, hman chhuah thuai tur a ni tih Finance Dept hian a sawi. 

Sorkar sum bawma sum lut a awm laiin a hmanna pawh tam tak a awm tih Finance Dept hian a sawi a, tunhnaia sum hmanna lian zual, cheng vbc 909.65 hmanna pawh an thuchhuahah hian an tarlang a. Sorkar sum hmuh cheng vbc 882 nuai 37 la awm anga ngaih theih tura Pu Lalduhoma sawi chu sum tam tak hman tawh a ni zawk a, a sum faia la kawl teuh emaw, Covid do nana hman teuh tur emaw a awm hran lo tih Finance Dept hian a sawi.