Hong Kong Observatory sawi dan chuan Typhoon Mangkhut hi darkar khata km 230 vela chakin a tleh mek a, tun kar tawp lamah China chhim lam a nuai rin a ni a, a kalna chinah ruah leh thlipui a nasa hle bawk a ni. He typhoon hi kumina Philippines ram nuaitu zingah chuan a la na ber tura ngaih a ni a, he ramin sum a lakluhna lian ber dawttu, buh leh vaimim hmun a tihchhiat rin a ni bawk a ni. Philippines ram hi kum tin cyclone 20 velin a nuai \hin a, kum 2003 khan Typhoon Haiyan tia koh cyclone na chi pawhin a lo nuai tawh a, mi 6300 vel an thi a ni.
