Delhi khawpui boruak bawlhhlawh vangin Sri Lanka infiammite inkhel thei lo

0
379
views

India rama Cricket khel tura lo zin, Sri Lanka infiam mite chu Delhi khawpui boruak bawlhhlawh avangin an inkhel hlei thei lo a, mi pahnih an damloh avangin National Green Tribunal-in Delhi sorkar a khak leh. Ram pahnih hian Test Cricket an khel mek a, he inelna hiam ni 4 aia reite a awh \hin a, Pathianni-a an inkhelh laiin, Sri Lanka lama an ball vawm thiam Suranga Lakmal chu a luak a, a damloh zui avangin hruai chhuah a ngai hial a, amah thlaktu, Lahiru Gamage pawh inkhel thei lo-a a damloh zui avangin inkhel pawh a khaihlak phah a ni. NGT hotute chuan Delhi sorkar chu boruak bawlhhlawh tiziaawm tura hna thawk \ha tawk lo-ah puhin, heti chunga inkhelh buatsaih a ni chu na takin an sawisel a, Cricket thuneitu sang, BCCI Secretary Amitabh Choudhary pawhin hetiang thil a thleng chu pawi an tih thu leh tun hnuah chuan an fimkhur tawh tur thu a sawi.