Tangka note lian pahnih tihtawpna chu a hlawhchham chiang hle- West Bengal CM

0
526
views

West Bengal CM, Mamata Banerjee-i’n sorkar laipuiin nikuma tangka note lian pahnih a tihtawpna chu a hlawhchham chiang hle niin a sawi a, nimina Reserve Bank of India thuchhuahin Rs 500 leh Rs 1000 note tihtawp a nih hnuah note hlui, cheng 15,44,000 hu thai bo tawh, zaa 99 vel chu RBI hnenah a let leh nia a sawi hnuah, hemi chungchang hi chhui a phut a, Supreme Court chu mipuite dikna humhalh turin a ngen bawk. Pi Banerjee-i chuan RBI thuchhuah hian pawisa note tihtawpin awmzia a neih lohzia a tilang niin a sawi a, nikum November ni 8-a sorkar laipuiin tangka note lian pahnih a tihtawp avanga thi leh hrehawm tuar mi tam tak an awm nia sawiin, sum chhehrelh, dan lova sum lak luh leh pawisa lem tam lutuk do let nana sorkar thil ruahman hi a hlawhchham chiang hle niin a sawi.