Doha-a US leh Taliban te inbiakna chu ni 16 hnuah khar a ni.

0
376
views

An inbiakremna a\ang hian thil ngaihtuah fel tur tlangpui-ah hmasawnna awmin inrem thei mahse hmasawnna lian tham tak erawh a awm thei lo a, US-in Afghanistan-a ralmuana thlen tura a palai tirh peace evoy Zalmay Khalilzad-a chuan an inbiakna hian ram ralmuanna kawngah hmasawnna a thlen dawn tih a sawi a, ralmuanna a thlen theih nan thil 4, mifirfiak te beilet tura intiamna, Afghanistan a\anga ramdang sipai te lakchhuah, Afghanistan chhung mi leh sa te inbiakremna leh huam zau zawka inkahhai thutlung siam te a pawimawh tih a sawi a, Taliban te chuan mifirfiakte beilet tura intiamna leh Afghanistan a\anga sipai te lakchhuah chungchanga an rawtna siam chu an thlawp tih a sawi.

Taliban aiawha thupuangtu chuan ram pawn sipaite lakchhuah an nih dawn avangin he an inbiakna hi hmasawnna a ni tih a sawi a, Afghanistan President Ashraf Ghani aiawha thupuangtu chuan sorkar chu he hmasawnnaah hian a lungawi hle tih a sawi bawk.