Eptu party intelkhawm in Chief Justice of India Dipak Misra ban tir tumin hma an la

0
245
views

Hapta khat chhung vel zel an inbiakrawn kual hnuah Eptu party intelkhawm in Chief Justice of India Dipak Misra ban tir tumin hma an la \an. Eptu party inelkhawm mi 70 zetin hming ziakin Chief Justice of India ban tir tura ngenna hi Rajya Sabha Chairman Vice President Venkaiah Naidu hnenah an thehlut a, Eptu pawlte hian thuchhuah an siamah hetiang thil tih a \ul ta hi pawi an ti hle tih an sawi. Chief Justice an puhna hi thil chi 5 a ni a, India ramah Chief Justice hi tumah ban tir an la awm ngai lo a ni. Vice President hian Eptu pawlte motion thehluh hi zirchiangin dan lam thiamte pawh a rawn zui leh dawn nia thudawn a ni. Chief Justice kaihhruai Supreme Court Bench chuan kum 2014-a BJP President Amid Shah tualthata puhna thubuai a ngaihtuah laia thi, Judge BH Loya thih dan chhui nawn dilna chu nimin khan a hnawl a, Judge BH Loya thih dan chu thih dan pangngai a ni a ti a ni. Hetihlai hian Eptu MP te hian Loya thih dan chungchang judge tlemtein an ngaihtuah chu an duh loh thu an sawi a, January thla khan Supreme Court Judge pali te chuan Chief Justice chu a thuneihna hmang dik lohah puhin mipui hmaah an lungawi loh thu an puang chhuak a, hemi hnu hian Judge Loya thubuai hi midang kuta dah zui a ni. Chief Justice of India Dipak Misra ban tir phutna motion ah hian eptu party 7 a\anga MP 71 te bakah MP lo ni tawh mi \henkhatin hming an ziak a ni.