Magnetic Mizoram Investor Summit, 2018 chu vawiin khan Berawtlanga Convention Centre-ah tan a ni

0
264
views

Mizoram sumdawnna hmunpui a nih theihna tura khawvel hmun hrang hranga sumdawng liante leh sorkar hotute nena Mizorama hmalak theih dan tur sawihona, Magnetic Mizoram Investor Summit, 2018 chu vawiin khan Berawtlanga Convention Centre-ah \an a ni.

Mizoram Investor Summit hi Chief Minister, Pu Lal Thanhawla’n a hawng a. Mizoram chu ram chhunga sum leh pai dinhmun \hang chak berte zinga mi nia sawiin, sorkar kum liam taa Mizoram \hanna chu zaa 8 a tling phak hial niin a sawi a. Finance Ministry-in a chhut lawk dan phei chuan sorkar kum kal meka Mizoram sum leh pai \hanna chu zaa 10 chunglam ni tura beisei a nih thu a sawi. Chief Minister chuan, India ram mai ni lovin khawvel hmun hrang hranga sumdawngte chu Mizorama inzarpharh tura ngenin, khualzin hipna te, Adventure Sports, lo neih leh a kaihhnawih, pangpar leh mau sawngbawl kawnga hmala turin a ngen a. A bikin khualzin tam zawk hip turin Mizoramin theihna a nei \ha nia sawiin, hemi atan hian mithiam zawkten hma an la mek a, tun a\anga rei loteah Sikkim leh Bhutan angin Mizoramah khualzin tam zawk an luh beisei a ni tih a sawi. Pu Lal Thanhawla chuan, mau hmanga sumdawnna kalpui tur pawhin Mizoramah theihna a awm thu leh ram chhunga mau awm zawng zawng zaa 14 chu Mizorama awm a nih thu leh Mizorama ramhnuai zaa 30 velah mau a awm thu a sawi. Magnetic Mizoram Investor Summit, 2018 hi ram chhung leh pawna sumdawngten Mizoramah sumdawnna an kalpui theih nana remchanna siamna tur leh inkawhhmuhna a ni a, vawiina a hawnna inkhawmah hian Finance Minister, Pu Lalsawta pawhin thu a sawi a. Kolkata-a German Consul General, Dr. Michael Feiner, Russion Deputy Consul General,Dr. Mikhail Gusav, School education Minister, Pu H. Rohluna leh sorkar mipawimawh \ahhem tak an tel a ni. Magnetic Mizoram Investor Summit, 2018 hi naktukah chhunzawm leh a ni ang.