Lok Sabha inthlan-a BJP kaihhruai National Democratic Alliance te’n seat 542-a seat 350 an lak hnuah leh party-a state hotu 3-in banna an thehluh hnuah Congress Working Committee-a member te, Priyanka Gandhi Vadra, UPA Chairperson Sonia Gandhi, PM hlui Dr. Manmohan Singh leh Punjab, Madhya Pradesh, Rajasthan leh Chhatisgarh-a Chief Minister te an inhmukhawm a, Amethi bial-a a seat chelh zo lo Congress President Rahul Gandhi chuan an hlawhchhamna-ah a mawhphurtu a nih thu a sawi. Kum 2014 inthlan-a Congress party-in seat 44 chauh a hmuh \um khan Rahul Gandhi leh Sonia Gandi te hian banna thehluh an lo tum tawh a, khami \um khan Congress hotute’n an banna hi an pawmsak lo, tun inthlan khan Congress party chuan seat 8 lak belhin seat 52 an chang a ni.
Vawiin vek khan West Bengal Chief Ministe, Trinamool Congress hotu Mamata Banerjee chuan a party hotu leh candidate te a \hutkhawmpui a, Lok Sabha inthlan hmasaah seat 34 an lak laiin tun inthlanah hian seat 22 chauh an la thei a, he inhmuhkhawmnaah hian an dinhmun an thlirlet bakah kum 2021-a assembly inthlan an hmachhawn dan tur an sawiho rin a ni. Party hotu \henkhatin inthlanna zawhfel takah mipui rilru a peng laklawh mai nia an hriat thu leh 2021-ah chuan ngai an awh leh an rin thu an sawi a, a \henkhatin PM Modi’n pawisa a chelek nasat avanga chak zo lo nia an inhriat thu an sawi a ni.
