BJP parliamentary party chu New Delhi-a inhmunkhawmin Narendra Modi chu an hotu atan an thlan zawhah Central Hall of Parliament-ah Modi hi NDA MP te hruaitu-a thlan a ni leh dawn a, hetah hian thu a sawi ang.
President Ram Nath Kovind-a’n PM Modi leh council of minister te banna a lo pawm tawh a, sorkar thar siam leh a nih hma chu an nihna hi an chelh chhunzawm dawn a ni. President hian Rashtrapati Bhavan-ah chaw hlui a buatsaihsak a, hetah hian Lok Sabha Speaker Sumitra Mahajan, Prime Minister Narendra Modi, leh Rajnath Singh, Sushma Swaraj leh Nitin Gadkari te tiamin Union Minister te an tel a ni.
Election Commission-in Lok Sabha 17-na MP thlan thar te hming President hnenah a thehlut ang a, sorkar thar hi din a ni ang. Lok Sabha dinglai 16-na hi June ni 3-ah \hiah a ni dawn a ni.
