Father Tom Uzhannalil-a’n New Delhi-ah PM leh External Affairs Minister kawm

Kerala-a Roman Catholic puithiam, ISIS mi firfiakten hun eng emaw chen an ruk bo hnua tun thla ni 12-a chhanchhuah tak, Father Tom Uzhannalil chuan vawiin khan New Delhi-ah PM Narendra Modi leh External Affairs Minister, Sushma Swaraj a kawm. Puan tawh angin Father Tom hi Yemen chhim lama Aden khawpuia tar enkawlna ina hnathawk \hin a ni a, an awmna hmun hi ISIS mi firfiakten luh chilhin mi 16 an kap hlum a, Father Tom-a hi an hreng zui a, a tlan chhuah dan tur chungchangah pawh sorkar thuneitute bakah United Arab Emirates-a Catholic Bishop-te an biak pawh hnuah, July thla khan Pi Swaraj-i chuan Yemen Deputy PM biain, a chhanchhuah dan tur a sawipui a, sorkar laipui chuan Father Tom-a tlan chhuahna sum a pek loh thu leh External Affairs Ministry-in thawm na lo tak si, hlawhtling takin hna a thawk niin a lo sawi tawh a ni.