Football team pakhata rawlthar rual mi 12, Thailand ram puk pakhata tang mek te chhanchhuah tuma beih mek chu ruah sur nasa in a ti khaihlak

0
422
views

Football team pakhata rawlthar rual mi 12, Thailand ram puk pakhata tang mek te chhanchhuah tuma beih mek chu ruah sur nasa in a ti khaihlak a, heng rawlthar rual 12 leh an coach te hi ni 4 chhung pukah hian an tang tawh a ni.

Zan lama ruahsur nasa in tui chim chin a tih san belh zel avangin chhanchhuah hna thawktu mi 100 rual te chu an buai phah hle a, chhanchhuah hna thawktute hian puk chhunga tui tam tak tling chu siak chhuah tumin an bei a ni. Puk luhna lai pawh tuiin a chim pil tawh avangin hmun dang a\anga luh tumin an bei leh mek a, Inrinni a\anga tang tawh, heng rawlthar rual te hi an thawm hriat tur engmah a la awm rih lo a ni. Thawhlehni lamah Navy tuilut thiam ten an ke hniak an hmu tih an sawi avangin heng rawlthar rualte hi dama chhanchhuah theih beiseina a la sang hle a, furpuiah chuan puk chhungah hian feet 16 laia thukin tui a tling thei a ni.