France rama ran talhtuten sa ei lo pawl pakhat laka venhimna sorkarah an dil a, sa ei lo pawl te hian an sumdawnna tihtawp sak an tum tih an sawi.
Sa talhtu inzawmkhawm pawl French Federation of Butchers chuan an sa zawrhna hmun te chu heng sa ei lo pawlte hian lungin an tawng fo tih leh nasa taka tih hmelhem a ni \hin tih an sawi a, thla 15 liamta chhung khan dawr 15 chu thisen lem-a thehin an ti hmelhem tawh bawk tih an sawi. Federation hotupa Jean-Francois Guihard chuan hetianga sa ei lo pawl te chet dan hi firfiaka chetna nen angkhat a ni a ti a, France mi te nunphung tih bawrhban tumna a ni a ti.
