France President Emmanuel Macron a’n Nuclear ralthuam chungchanga Iran nena inremna kalpui chhunzawm tura US President Donald Trump a ngenna chu a hlawhtling lo mai thei tih a sawi

France President Emmanuel Macron a’n Nuclear ralthuam chungchanga Iran nena inremna kalpui chhunzawm tura US President Donald Trump a ngenna chu a hlawhtling lo mai thei tih a sawi. Ni thum chhung chama US tlawhtu Emmanuel Macron hian US President hian US dinhmun thlirin duh dan hrang a nei nia a hriat thu a sawi a, US hian May ni 12 hma khian Iran in nuclear ralthuam a kawl lohna tura thuthlung dinglai atanga a inhnuhdawh tur leh tur loh thuah thutlukna a siam a \ul a, US President hian Iran nena inremna hi thil atthlak tak niin a lo sawi tawh a ni. President hmasa Barak Obama hunlaia siam inremna ang hian Iran chuan a laka sum leh paia hrekna tihtawp anih theihna turin Nuclear ralthuam a tih changtlun mek te chhunzawm lova a ngai anga dah rih a lo remti tawh a ni. Macron hian US a tlawh chhan ber chu President Donald Trump-a rilru hmin tum a nih thu a sawi a, amaherawhchu Trump-a hian inremna hi tihtawp a tum mai hmel hle tih a sawi.