North Korea hruaitu Kim Jong-un a’n South Korea tlawh turin ruahmanna a siam fel

0
264
views

North Korea hruaitu Kim Jong-un a’n South Korea tlawh turin ruahmanna a siam fel a, Kum 1953 Korea indona tawp hnua North Korea ram hruaitu South Korea tlawh tu pahnihna a ni ang. South Korea chuan an President Moon Jae-in an Kim-a hi naktuk zing dar 9.30 ah ramri ah a lo dawngsawng dawn tih a sawi a, inbiakna chhinchhiah tlak tak neih turah hian tunhnaia North Korea in Nuclear ralthuam tih changtlun ti tawp tura anga a insawi chu an khel ber rin a ni. Kum khat dawn lai boruak \ang tak lo nei tawh, ram pahnihte inkarah inbiakna hian boruak \ha zawk a thlen pawh beisei a ni. Hetihlai hian North Korea hian nuclear ralthuam chungchanga a hmalakna tihtawp chungchanga inremna siam chu thil harsa tak a ni ang tih a sawi lawk ve bawk a, ram pahnih hruaitute hian inremna nei turin eng thu te nge an sawi ang tih chu tun dinhmuna thil hriatthiam harsa a nih thu South Korea President thupuangtu Im Jong-Seok chuan a sawi.