France ramah America mi, khualzin pahnih chu acid hmanga beih an ni. Police-te chuan pawikhawihtu hi hmeichhia, rilru lama harsatna nei niin an sawi a, he thil thleng hi mi firfiakte pawi khawihna thil ni lova hriat a ni. Police te chuan amah hi thu an zawt fiah mek tih an sawi a, a naupan laia acid hmanga beih a lo nih tawh avangin, mi dang a bei ve ta niin a insawi niin an sawi bawk. Acid-a beih tawkte hi damdawi ina enkawl nghal an nih thu leh, chhuah leh nghal an nih thu pawh police-te hian an sawi a, pakhat zawk hi a khaw hmuh a fiah vak lo tih bak chu harsatna an nei lo niin an sawi.
Chanchin Thar France ramah US khualzin pahnih acid hmangin bei
