Gauri Lankesh-i thattu hre tawh niin Karnataka sorkarin sawi

0
360
views

Bengaluru khawpuia chanchinbu mi, Gauri Lankesh-i thattu chu hriat a ni tawh niin Karnataka sorkarin a sawi a, an thah a ni ngei tih finfiahna zawn khawm mek niin a sawi. State Home Minister, Ramalinga Reddy-a chuan NDTV hnenah, Pi Lankesh-i thattute hi hre tawh mah se, thu kimchang sawi theih a la ni lo nia sawiin, a hun aia hmaa puan a nih chuan thubuai bawhzui lai a nghawng thei dawn niin a sawi. Puan tawh angin, kum 55 mi, Pi Lankesh-i hi thla hmasa ni 5 khan Bengaluru khawpuia a kawtah tu tih hriat lohte’n an kap hlum a, CCTV a\anga a lan danin, a kap hlumtu hian a hmel hliah nan helmet a khum a ni. He state-a rorel lai, Congress chu he thubuai chhuinaah hian che chak tawk lo-ah puh a ni a, Pi Lankesh-i hi sakhaw zalenna leh intluktlanna ngai pawimawhtu a nih bakah mihring dikna leh chanvo humhalhtu a ni a, hei vang hian thah a nih chungchang pawh hian ngaihven a hlawh hle a ni.