Gorakhpur-a naupang 60 chuang thihna chungchangah naupang doctor man a ni

0
333
views

Uttar Pradesh, Gorakhpur-a sorkar damdawi ina naupang 60 chuang thihna chungchang thubuai kal zelah Doctor Kafeel Khan chu man a ni. Special Task Force IGP, Amitabh Yash chuan Dr Kafeel hi naupangte thihpui natna, thluaka khawsik lut chungchang bika mawhphurtu atan Baba Raghav Das dawmdawi in hian a ruat tih sawiin, ni nga chhunga naupang 60 chuang thihna chungchangah hian thu zawh fiah atan Gorakhpur police-ten an hreng mek tih an sawi a, damlote ngaihsak tawk lo leh oxygen dah khawl sa ruk chhuah chungchangahte thu an zawt fiah dawn tih a sawi. Amah hi damdawi in hmanraw mamawh lak khawl chungchangah pawh a mawhphurtute zinga mi a nih avangin, oxygen man ba an neih leh oxygen kawl sa an neih tlem thu, thuneitute a hriattir loh avangin rinhlelh a kai zual hle nia hriat a ni bawk. Dr Kafeel-a hi he thubuai avanga man zinga pathumna a ni a, Thawhlehni kal ta khan he damdawi in hotu hlui, Rajiv Mishra leh a nupui chu man an ni tawh a, Dr Kafeel leh mi dang paruk manna tur thupek hi nimin khan Gorakhpur Court chuan a chhuah a ni.